ระตะนัตตะยัปปะภาวะสิทธิคาถา
อะระหัง
สัมมาสัมพุทโธ โลกานัง อะนุกัมปะโก
เวเนยยานัง ปะโพเธตา สันติมัคคานุสาสะโก
ฯ
สํวากขาโต
อุตตะโม ธัมโม โลกานัง ตะมะทาละโก
นิยยานิโก จะ ทุกขัสํมา ธัมมะจารีนุปาละโก ฯ
สุปะฎิปันโน
มะหาสังโฆ โลกานัง ปุญญะมากะโร
สีละทิฎฐีหิ สังสุทโธ สันติมัคคะนิโยชะโก ฯ
อิจเจตัง
ระตะนัง เสฎฐัง โลเก สะระณะมุตตะมัง
ปะริกขะกานะ ธีรานัง ญาณะสัญจาระณักขะมัง
ฯ
ยัสสะ โลกัง ปะภาเสติ อาตะโปวะ ตะโมนุโท
ทัยยะเทโส อิมาคัมมะ เขมะมัคคัปปะโชตะนัง
สันติสุเข ปะติฎฐาติ อิสสะโร สาตะตัง
ฐิโต ฯ
อัคคะเมตัง ติระตะนัง คะรุง กัตํวานะ
รักขิตัง
ธะชัง กัตํวา ปะเทสัสสะ ทัยยะเทเสนะ อุทธะตัง ฯ
นีติปัญญัตติการายะ สะทิฎฐิยา ปะกุพพะเน
ธัมมะนุญญัง วะ รัฏฐัสสะ รัฏฐานัง สิทธิทายะกัง ฯ
เอวัง สาสะนะกิจเจสุ สังฆัง กัตํวานะธิสสะรัง
ปะสิชฌะนันติทัง
พุทธะ- สาสะนัสสะ ปะสาสะนัง
เอวัง ปะสาสะนุปาเยนะ ถิรัง ติฎฐะติ
สาสะนัง ฯ
ระตะนัตตะยานุภาเวนะ ระตะนัตตะยะ
เตชะสา
ทัยยะชาติ วิโรเจตุ สัพพะสัมปัตติสิทธิยา
อิทธิง ปัปโปตุ เวปุลลัง วิรุฬหิง จุตตะริง
สะทาฯ
จิรัง ติฎฐะตุ โลกัสํมิง สัมมาพุทธะสาสะนัง
ทัสเสนตัง
ภัพพะสัตตานัง อัญชะสัง วะ
วิสุทธิยา ฯ
จิรัญชีวะตุ ทีฆายุ ทัยยานัง ธัมมะขัตติโย
วัณณะวา พะละสัมปันโน นิรามะโย จะ
นิพภะโย ฯ
รัฎฐัสสะ
ธัมมะนุญญัญจะ จิรัง ติฎฐะตุ
โสตถินา ฯ
ระตะนัตตะยัปปะภาเวนะ วุฑฒิยาสา สะมิชฌะตุ
ทัยยานัง
รัฎฐะปาลีนัง สัพพะสิทธิ สะทา
ถิรัง ฯ
ชะยะมัตถุ จะ ทัยยานัง วุฑฒิ สันติ
นิรันตะรัง
ปะวัฑฒะตัง จะ ภิยโยโส ธะนุฎฐาเนนะ สัมปะทาติ ฯ
ไม่มีความคิดเห็น:
แสดงความคิดเห็น