มะหาโมคคัลลานะโพชฌัชคะสุตตะปาโฐ

มะหาโมคคัลลานะโพชฌัชคะสุตตะปาโฐ

            เอวัมเม  สุตังฯ  เอกัง  สะมะยัง  ภะคะวา   ราชะคะเห  วิหะระติ  เวฬุวะเน  กะลันทะกะนิวาเปฯ  เตนะ  โข  ปะนะ  สะมะเยนะ  อายัสํมา  มะหาโมคคัลลาโน  คิชฌะกูเฎ  ปัพพะเต  วิหะระติ  อาพาธิโก  ทุกขิโต  พาฬํหะคิลาโนฯ

            อะถะโข  ภะคะวา  สายัณหสะมะยัง  ปะฎิสัลลานา  วุฎฐิโต   เยนายัสํมา  มะหาโมคคัลลาโน  เตนุปะสังกะมิ  อุปะสังกะมิตํวา   ปัญญัตเต  อาสะเน  นิสีทิฯ  นิสัชชะ  โข  ภะคะวา  อายัสํมันตัง  มะหาโมคคัลลานัง  เอตะทะโวจะ

            กัจจิ  เต  โมคคัลลานะ  ขะมะนียัง  กัจจิ  ยาปะนียัง   กัจจิ  ทุกขา  เวทะนา  ปะฎิกกะมันติ  โน  อะภิกกะมันติ  ปะฎิกกะโมสานัง  ปัญญายะติ  โน อะภิกกะโมติฯ  นะ  เม  ภันเต  ขะมะนียัง  นะ  ยาปะนียัง  พาฬํหา  เม  ทุกขา  เวทะนา  อะภิกกะมันติ  โน  ปะฎิกกะมันติ  อะภิกกะโมสานัง   ปัญญายะติ  โน  ปะฎิกกะโมติฯ

            สัตติเม  โมคคัลลานะ  โพชฌังคา  มะยา  สัมมะทักขาตา  ภาวิตา  พะหุลีกะตา  อะภิญญายะ  สัมโพธายะ  นิพพานายะ  สังวัตตันติฯ  กะตะเม  สัตตะฯ

            สะติสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            ธัมมะวิจะยะสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            วิริยะสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            ปีติสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            ปัสสัทธิสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            สะมาธิสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            อุเปกขาสัมโพชฌังโค  โข  มัคคัลลานะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

            อิเม  โข  โมคคัลลานะ  สัตตะ  โพชฌังคา  มะยา  สัมมะทักขาตา  ภาวิตา  พะหุลีกะตา  อะภิญญายะ  สัมโพธายะ  นิพพานายะ  สังวัตตันตีติฯ

            ตัคฆะ  ภะคะวา  โพชฌังคา  ตัคฆะ  สุคะตะ  โพชฌังคาติฯ

            อิทะมะโวจะ  ภะคะวาฯ  อัตตะมะโน  อายัสํมา  มะหาโมคคัลลาโน  ภะคะวะโต  ภาสิตัง  อะภินันทิฯ  วุฎฐะติ   จายัสํมา  มะหาโมคคัลลาโน  ตัมํหา  อาพาธา  ตะถาปะหีโน   จายัสํมะโต   มะหาโมคคัลลานัสสะ  โส  อาพาโธ  อะโหสีติฯ