พระวินัย

พระวินัย

            ยันเตนะ  ภะคะวะตา  ชานะตา  ปัสสะตา  อะระหะตา  สัมมาสัมพุทเธนะ  ปะฐะมัง  ปาราชิกัง  กัตถะ  ปัญญัตตันติฯ  เวสาลิกัง  ปัญญัตตันติฯ  กัง  อารัพภาติฯ  สุทินนัง  กะลันทะปุตตัง  อารัพภาติฯ  กิสํมิง  วัตถุสํมินติฯ  สุทินโน  กะลันทะปุตตัง  ปุราณะทุติยิกายะ  เมถุนัง  ธัมมัง  ปะฎิเสวิ  ตัสํมิง  วัตถุสํมินติฯ

            เตนะ  สะมะเยนะ  พุทโธ  ภะคะวา  เวรัญชายัง  วิหะระติ  นะเฬรุปุจิมันทะมูเล  มะหะตา  ภิกขุสังเฆนะ  สัทธิง  ปัญจะมัตเตหิ  ภิกขุสะเตหิฯ

            อัสโสสิ  โข  เวรัญโช  พํราหํมะโณ  สะมะโณ  ขะลุ  โภ  โคตะโม  สักํยะปุตโต  สักํยะกุลา   ปัพพะชิโต  เวรัญชายัง  วิหะระติ  นะเฬรุปุจิมันทะมูเล  มะหะตา  ภิกขุสังเฆนะ  สัทธิง  ปัญจะมัตเตหิ  ภิกขุสะเตหิฯ

            ตังโข  ปะนะ  ภะวันตัง  โคตะมัง  เอวัง  กัลํยาโณ  กิตติสัทโท  อัพภุคคะโต  อิติปิ  โส  ภะคะวา   อะระหัง  สัมมาสัมพุทโธ  วิชชาจะระณะสัมปันโน  สุคะโต  โลกะวิทู  อะนุตตะโร  ปุริสะทัมมะสาระถิ  สัตถา  เทวะมะนุสสานัง  พุทโธ  ภะคะวาติฯ

            โส  อิมัง  โลกัง  สะเทวะกัง  สะมาระกัง  สะพํรัหํมะกัง  สัสสะมะณะพํราหํมะณิง  ปะชัง  อะภิญญา  สัจฉิกัตํวา  ปะเวเทติ  โส  ธัมมัง  เทเสติ  อาทิกัลํยาณัง  มัชเฌกัลํยาณัง  ปะริโย  สานะกัลํยาณัง  สาตถัง  สะพํยัญชะนัง  เกวะละปะริปุณณัง  ปะริสุทธัง  พํรัหํมะจะริยัง  ปะกาเสติฯ

            สาธุ  โข  ปะนะ  ตะถารูปานัง  อะระหะตัง  ทัสสะนัง  โหตีติฯ