พระสูตร

พระสูตร

            เอวัมเม  สุตังฯ  เอกัง  สะมะยัง  ภะคะวา  อันตะรา  จะ  ราชะคะหัง  อันตะรา  จะ  นาลันทัง  อัทธานะมัคคะปะฎิปันโน  โหติ  มะหะตา  ภิกขุสังเฆนะ  สัทธิง  ปัญจะมัตเตหิ  ภิกขุสะเตหิฯ  สุปปิโยปิ  โข  ปะริพพาชะโก  อันตะรา  จะ  ราชะคะหัง  อันตะรา  จะ  นาลันทัง  อัทธานะมัคคะปะฎิปันโน  โหติ  สัทธิง  อันเตวาสินา  พํรัหํมะทัตเตนะ  มาณะเวนะฯ  ตัตํระ  สุทัง  สุปปิโย  ปะริพพาชะโก  อะเนกะปะริยาเยนะ  พุทธัสสะ  อะวัณณัง  ภาสะติ  ธัมมัสสะ  อะวัณณัง   ภาสะติ  สังฆัสสะ  อะวัณณัง  ภาสะติฯ  สุปปิยัสสะ  ปะนะ  ปะริพพาชะกัสสะ  อันเตวาสี  พํรัหํมะทัตโต  มาณะโว  อะเนกะปะริยาเยนะ  พุทธัสสะ  วัณณัง  ภาสะติ  ธัมมัสสะ  วัณณัง  ภาสะติ  สังฆัสสะ  วัณณัง  ภาสะติฯ  อิติหะ  เต  อุโภ  อาจะริยันเตวาสี  อัญญะมัญญัสสะ  อุชุวิปัจจะนิกะวาทา  ภะคะวันตัง  ปิฎฐิโต  ปิฎฐิโต  อะนุพันธา  โหนติ  ภิกขุ  สังฆัญจะฯ