สามภาณมะหากัสสะปะโพชฌัชคะสุตตะปาโฐ

สามภาณมะหากัสสะปะโพชฌัชคะสุตตะปาโฐ

            เอวัมเม  สุตังฯ  เอกัง  สะมะยัง  ภะคะวา  ราชะคะเห  วิหะระติ  เวฬุวะเน  กะลันทะกะนิวาเปฯ  เตนะ  โข  ปะนะ  สะมะเยนะ  อายัสํมา  มะหากัสสะโป  ปิปผะลิคุหายัง  วิหะระติ  อาพาธิโก  ทุกขิโต  พาฬํหะคิลาโนฯ

            อะถะโข  ภะคะวา  สายัณหะสะมะยัง  ปะฎิสัลลานา  วุฎฐิโต  เยนายัสํมา  มะหากัสสะโป  เตนุปะสังกะมิ  อุปะสังกะมิตํวา  ปัญญัตเต  อาสะเน  นิสีทีฯ  นิสัชชะ  โข  ภะคะวา  อายัสํมันตัง  มะหากัสสะปัง  เอตะทะโวจะ

            กัจจิ  เต  กัสสะปะ  ขะมะนียัง  กัจจิ  ยาปะนียัง  กัจจิ  ทุกขา  เวทะนา  ปะฎิกกะมันติ   โน  อะภิกกะมันติ  ปะฎิกกะโมสานัง  ปัญญายะติ  โน  อะภิกกะโมติฯ  นะ  เม  ภันเต  ขะมะนียัง  นะ  ยาปะนียัง  พาฬํหา  เม  ทุกขา  เวทะนา  อะภิกกะมันติ  โน  ปะฎิกกะมันติ  อะภิกกะโมสานัง  ปัญญายะติ  โน  ปะฎิกกะโมติฯ

สัตติเม  กัสสะปะ  โพชฌังคา   มะยา  สัมมะทักขาตา  ภาวิตา  พะหุลีกะตา  อะภิญญายะ  สัมโพธายะ  นิพพานายะ  สังวัตตันติฯ  กะตะเม  สัตตะฯ

สะติสัมโพชฌังโค  โข  กัสสะปะ  มะยา  สัมมะทักขาโต  ภาวิโต   พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

ธัมมะวิจะยะสัมโพชณังโค  โข  กัสสะปะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

วิริยะสัมโพชฌังโค  โข  กัสสะปะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

ปีติสัมโพชฌังโค  โข  กัสสะปะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

ปัสสัทธิสัมโพชฌังโค  โข  กัสสะปะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

สะมาธิสัมโพชณังโค  โข  กัสสะปะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

อุเปกขาสัมโพชฌังโค  โข  กัสสะปะ  มะยา  สัมมะทักขาโต  ภาวิโต  พะหุลีกะโต  อะภิญญายะ  สัมโพธายะ  นิพพานายะ  สังวัตตะติฯ

อิเม  โข  กัสสะปะ  สัตตะ  โพชณังคา  มะยา  สัมมะทักขาตา  ภาวิตา  พะหุลีกะตา  อะภิญญายะ  สัมโพธายะ  นิพพานายะ  สังวัตตันตีติฯ

ตัคฆะ  ภะคะวา  โพชฌังคา  ตัคฆะ  สุคะตะ   โพชฌังคาติฯ

อิทะมะโวจะ  ภะคะวาฯ  อัตตะมะโน  อายัสํมา  มะหากัสสะโป  ภะคะวะโต  ภาสิตัง  อะภินันทิฯ  วุฎฐะติ  จายัสํมา  มะหสกัสสะโป  ตัมํหา  อาพาธา  ตะถาปะหีโน  จายัสํมะโต   มะหากัสสะปัสสะ  โส  อาพาโธ  อะโหสีติฯ