อาทิตตะปะริยายะสุตตัง

อาทิตตะปะริยายะสุตตัง

            เอวัมเม  สุตัง ฯ  เอกัง  สะมะยัง  ภะคะวา  คะยายัง  วิหะระติ  คะยาสีเส  สัทธิง  ภิกขุสะหัสเสนะ ฯ

            ตัตํระ  โข  ภะคะวา  ภิกขู  อามันเตสิฯ

            สัพพัง  ภิกขะเว  อาทิตตังฯ  กิญจะ  ภิกขะเว  สัพพัง  อาทิตตัง ฯ  จังขุง  ภิกขะเว  อาทิตตัง  รูปา  อาทิตยา  จักขุวิญญาณัง    อาทิตตัง  จักขุสัมผัสโส  อาทิตโส  ยัมปิทัง  จักขุสัมผัสสะปัจจะยา  อุปปัชชะติ  เวทะยิตัง   สุขัง  วา  ทุกขัง  วา  อะทุกขะมะสุขัง  วา  ตัมปิ  อาทิตตังฯ  เกนะ  อาทิตตังฯ  อาทิตตัง  ราคัคคินา  โทสัคคินา  โมหัคคินา  อาทิตตัง   ชาติยา  ชะรามะระเณนะ  โสเกหิ  ปะริเทเวหิ  ทุกเขหิ   โทมะนัสเสหิ  อุปายาเสหิ  อาทิตตันติฯ  วะทามิฯ

            โสตัง  อาทิตตัง  สัททา  อาทิตตา  โสหะวิญญาณัง  อาทิตตัง  โสตสัมผัสโส  อาทิตโต   ยัมปิทัง   โสตะสัมผัสสะปัจจะยา  อุปปัชชะติ  เวทะยิตัง  สุขัง   วา  ทุกขังวา  อะทุกขะมะสุขัง  วา  ตัมปิ  อาทิตตังฯ เกนะ  อาทิตตัง ฯ  อาทิตตัง  ราคัคคินา  โทสัคคินา   โมหัคคินา  อาทิตตัง   ชาติยา  ชะรามะระเณนะ   โสเกหิ  ปะริเทเวหิ  ทุกเขหิ  โทมะนัสเสหิ  อุปายาเสหิ  อาทิตตันติ  วะทามิ ฯ

            ฆานัง  อาทิตตัง  คันธา  อาทิตตา   ฆานะวิญญาณัง  อาทิตตัง   ฆานะสัมผัสโส   อาทิตโต  ยัมปิทัง   ฆานะสัมผัสสะปัจจะยา  อุปปัชชะติ   เวทะยิตัง  สุขัง  วา  ทุกขัง  วา   อะทุกขะมะสุขัง  วา  ตัมปิ  อาทิตตังฯ  เกนะ   อาทิตตังฯ  อาทิตตัง  ราคัคคินา   โทสัคคินา   โมหัคคินา  อาทิตตัง  ชาติยา   ชะรามะระเณนะ  โสเกหิ  ปะริเทเวหิ   ทุกเขหิ   โทมะนัสเสหิ  อุปายาเสหิ  อาทิตตันติ  วะทามิ ฯ

            ชิวหา  อาทิตตา  ระสา  อาทิตตา  ชิวหาวิญญาณัง  อาทิตตัง  ชิวหาสัมผัสโส  อาทิตโต  ยัมปิทัง  ชิวหาสัมผัสสะปัจจะยา  อุปัชชะติ  เวทะยิตัง   สุขัง  วา  ทุกขัง   อะทุกขะมะสุขัง  วา  ตัมปิ  อาทิตตังฯ   เกนะ   อาทิตตังฯ  อาทิตตัง  ราคัคคินา  โทสัคคินา   โมหัคคินา  อาทิตตัง   ชาติยา  ชะรามะระเณนะ  โสเกหิ  ปะริเทเวหิ  ทุกเขหิ  โทมะนัสเสหิ  อุปายาเสหิ  อาทิตตันติ  วะทามิ ฯ

            กาโย  อาทิตโต  โผฎฐัพพา  อาทิตตา   กายะวิญญาณัง   อาทิตตัง   กายะสัมผัสโส  อาทิตโต   ยัมปิทัง   กายะสัมผัสสะปัจจะยา  อุปปัชชะติ  เวทะยิตัง   สุขัง  วา  ทุกขัง  วา  อะทุกขะมะสุขัง   วา  ตัมปิ  อาทิตตัง  ฯ  เกนะ   อาทิตตัง ฯ  อาทิตตัง  ราคัคคินา  โทสัคคินา  โมหัคคินา  อาทิตตัง   ชาติยา   ชะรามะระเณนะ   โสเกหิ  ปะริเทเวหิ  ทุกเขหิ  โทมะนัสเสหิ  อุปายาเสหิ  อาทิตตันติ  วะทามิ ฯ

            มะโน  อาทิตโต  ธัมมา  อาทิตตา   มะโนวิญญาณัง  อาทิตตัง   มะโนสัมผัสโส   อาทิตโต   ยัมปิทัง   มะโนสัมผัสสะปัจจะยา  อุปปัชชะติ   เวทะยิตัง  สุขัง  วา  ทุกขัง   วา  อะทุกขะมะสุขัง  วา  ตัมปิ  อาทิตตังฯ  เกนะ  อาทิตตังฯ  อาทิตตัง  ราคัคคินา  โทสัคคินา   โมหัคคินา  อาทิตตัง   ชาติยา  ชะรามะระเณนะ  โสเกหิ  ปะริเทเวหิ  ทุกเขหิ  โทมะนัสเสหิ  อุปายาเสหิ  อาทิตตันติ  วะทามิ ฯ

            เอวัง  ปัสสัง  ภิกขะเว  สุตํวา  อะริยะสาวะโก

            จักษุสํมิงปิ  นิพพินทะติ   รูเปสุปิ   นิพพินทะติ  จักขุวิญญาเณปิ  นิพพินทะติ  จักขุสัมผัสเสปิ  นิพพินทะติ  ยัมปิทัง  จักขุสัมผัสสะปัจจะยา   อุปัชชะติ  เวทะยิตัง  สุขัง  วา  ทุกขัง  วา  อะทุกขะมะสุขัง  วา  ตัสมิงปิ  นิพพินทะติ ฯ

            โสตัสํมิงปิ  นิพพินทะติ  สัทเทสุปิ  นิพพินทะติ  โสตะวิญญาเณปิ  นิพพินทะติ  โสตะสัมผัสเสปิ  นิพพินทะติ  ยัมปิทัง  โสตะสัมผัสสะปัจจะยา  อุปปัชชะติ  เวทะยิตัง  สุขัง  วา  ทุกขัง  วา  อะทุกขะมะสุขัง  วา  ตัสํมิงปิ  นิพพินทะติฯ

            ฆานัสํมิงปิ  นิพพินทะติ   คันเธสุปิ  นิพพินทะติ  ฆานะวิญญาเณปิ   นิพพินทะติ  ฆานะสัมผัสเสปิ  นิพพินทะติ  ยัมปิทัง  ฆานะสัมผัสสะปัจจะยา  อุปัชชะติ  เวทะยิตัง  สุขัง  วา  ทุกขัง  วา  อะทุกขะมะสุขัง  วา  ตัสํมิงปิ  นิพพินทะติฯ

            ชิวหายะปิ  นิพพินทะติ  ระเสสุปิ  นิพพินทะติฯ  ชิวหาวิญญาเณปิ  นิพพินทะติ  ชิวหาสัมผัสเสปิ  นิพพินทะติ  ยัมปิทัง  ชิวหาสัมผัสสะปัจจะยา  อุปัชชะติ  เวทะยิตัง  สุขัง  วา  ทุกขัง  วา  อะทุกขะมะสุขัง   วา  ตัสํมิงปิ  นิพพินทะติฯ

            กายัสํมิงปิ  นิพพินทะติ  โผฎฐัพเพสุปิ  นิพพินทะติ  กายะวิญญาเณปิ  นิพพินทะติ  กายะสัมผัสเสปิ  นิพพินทะติ  ยัมปิทัง  กายะสัมผัสสะปัจจะยา  อุปปัชชะติ  เวทะยิตัง  สุขัง  วา  ทุกขัง  วา  อะทุกขะมะสุขัง   วา  ตัสํมิงปิ  นิพพินทะติฯ

            มะนัสํมิงปิ  นิพพินทะติ  ธัมเมสุปิ  นิพพินทะติ  มะโนวิญญาเณปิ  นิพพินทะติ  มะโนสัมผัสเสปิ  นิพพินทะติ  ยัมปิทัง  มะโนสัมผัสสะปัจจะยา  อุปปัชชะติ  เวทะยิตัง  สุขัง  วา  ทุกขัง  วา  อะทุกขะมะสุขัง   วา  ตัสํมิงปิ  นิพพินทะติ ฯ

            นิพพินทัง  วิรัชชะติฯ  วิราคา  วิมุจจะติฯ  วิมุตตัสํมิง  วิมุตตะมีติ  ญานัง  โหติ  ขีณา  ชาติ  วุสิตัง  พํรัหํมะจะริยัง  กะตัง  กะระณียัง  นาปะยัง  อิตถัตตายาติ  ปะชานาตีติ ฯ

            อิทะมะโวจะ  ภะคะวา ฯ  อัตตะมะนา  เต  ภิกขู  ภะคะวะโต  ภาสิตัง  อะภินันทุงฯ

            อิมัสํมิญจะ  ปะนะ  เวยยากะระณัสํมิง  ภัญญะมาเน  ตัสสะ  ภิกขุสะหัสสะ  อะนุปาทายะ  อาสะเวหิ  จิตตานิ  วิมุจจิงสูติฯ